Gadchiroli Amirza accident अमिर्झा - नजीकच्या मरेगाव- चार्भाडा-वडधा मार्गावर नियंत्रण सुटल्याने दुचाकी - स्वार जागीच ठार झाल्याची घटना दुपारी १२ ते १२.३० च्या दरम्यान घडली.

सरगम कोटांगले (२४) रा. नगरी ता. जि. गडचिरोली येथील रहिवासी असून चांभार्डा येथे नातेवाईकांकडे दुचाकीने अंत्यविधिसाठी गेला होता. मरेगाव येथे राहणाऱ्या आपल्या बहिणीची भेट घेऊन परत येत असतांना स्वतःच्या दुचाकीवरील नियंत्रण सुटल्याने गाडी रस्त्याच्या खाली गेल्याने त्याचा जागीच मृत्यू झाल्याची घटना मरेगाव-चांभार्डा- वडधा मार्गावर घडली.

घटनेची माहिती मिळताच आरमोरी पोलिसांनी घटनास्थळ गाठले. शवविच्छेदनासाठी आरमोरी येथे पाठविण्यात आले असून पुढील तपास आरमोरी पोलीस करीत आहेत.